Jambyl oblysynda jańa zaýyt jylyna 50 myń tonna tuz óndiredi
TARAZ. QazAqparat - Jambyl oblysynda «Astananyń 20 jyldyǵyna - 20 nysan» respýblıkalyq aktsııasy aıasynda jańa óndiris iske qosylady, dep habarlaıdy QazAqparat óńir ákiminiń baspasóz qyzmetine silteme jasap.
Sarysý aýdanynda as tuzyn óndiretin jáne óńdeıtin «Asyl tuz» kompanııasy» JShS-nyń saltanatty ashylý rásimi ótti. Óńirdiń kásipkerlikti qoldaý kartasyna engizilgen joba qurylysynyń quny 710 mln teńgeni quraıdy. Kásiporynnyń óndiristik qýattylyǵy - jylyna 50 myń tonna. Óńirde zaýyttyń ashylýymen 75 jańa jumys orny paıda bolady.
Sarysý aýdanynyń ákimi Balabek Narbaevtyń aıtýynsha, ár jańa óndiristiń iske qosylǵany óńirdiń áleýmettik-ekonomıkalyq jaǵdaıyna oń áser etedi.
«Bizdiń aýdanda fosfor óndiretin eki iri zaýyt bar. Tuz shyǵaratyn taǵy bir zaýyt ashyldy. Bul óńir úshin jaqsy kórsetkish. Turǵyndar jumyspen qamtylady. Salyq qazynasy tolyǵady. Áleýmettik jaǵdaı jaqsarady», - dep atap ótti Balabek Narbaev.
Eske salaıyq, Astananyń 20 jyldyǵyna oraı Jambyl oblysynda paıda bolatyn 20 nysannyń ishinde segiz balabaqsha, tórt sporttyq-saýyqtyrý kesheni, «Burnoye Solar-2» JShS kún elektr stansasynyń ekinshi kezegi, as tuzyn óndiretin jáne óńdeıtin zaýyt, aýyldyq tarıhı mýzeı, dárigerlik ambýlatorııa, aýyl sharýashylyǵy kooperatıvi, jańa 70 páterli kóp qabatty turǵyn úı bar.
