Jambyl oblysynda jańa shekara qalashyǵy salynady

TARAZ. QazAqparat - Qazaqstanda Memlekettik shekarany qorǵaýda qyzmet etip jatqan áskerı qyzmetshilerdiń turǵyn jaıy jaqsarýda.

Jambyl oblysy ákimi baspasóz qyzmetiniń habarlaýynsha, óńir basshysy Kárim Kókirekbaev pen QR UQK Shekara qyzmetiniń basshysy, general-maıor Darhan Dilmanov «Qordaı» shekaralyq-ótkizý beketinde jáne sodan keıin Qordaı aýdanyndaǵy shekaralyq qalashyq qurylysynda boldy.

Bul nysanda qurylys jumystary 2014 jyly mamyr aıynda bastalǵan bolatyn, 2016 jyldyń sońynda ony aıaqtaý kózdelip otyr. 2017 jylǵy tamyzda  kommýnıkatsııalyq júıeler tartylyp, qalashyqqa áskerıler qonystanady.

 «Qurylys jumystaryn «Revera» JShS júrgizýde. Búgingi kúni jumystar 70 paıyzǵa oryndalǵan, - dep baıandady «Ońtústik» óńirlik basqarmasy bastyǵynyń  orynbasary, podpolkovnık Nurbek Satylǵanov. - Alty mıllıard teńgeden astam qarjy ıgerildi. Endi 2 mıllıard teńgeden sál asatyn qarjyny ıgerý qajet. Qalashyqta qyzmet etýge jáne áskerı qyzmetshilerdiń otbasylarynyń jaıly turýyna barlyq jaǵdaı jasalady. Munda óz aldyna gazben jabdyqtalady.

«Mindetti túrde nysannyń berilýine ózim kelemin jáne oryndalǵan jumystardyń sapasyn tekseremin, - dep ýáde etti K.Kókirekbaev. - Bul respýblıkanyń ońtústik shekarasyndaǵy osyndaı birden-bir nysan».

Qazaqstan Respýblıkasynyń perımetri boıynsha 98 shekaralyq-ótkizý beketteri jumys isteıdi. 2015 jyly olar arqyly 46 mıllıon adam ótti.