Jambyl oblysynda jańa gaz taratý stantsııasy iske qosylmaq
TARAZ. QazAqparat - Jambyl oblysynda gaz tartylǵan eldi mekender sany artyp keledi, dep habarlaıdy «QazAqparat» HAA tilshisi.
Jambyl oblysy ákimdiginiń baspasóz qyzmeti habarlaǵandaı, óńir basshysy Rysqulov aýdanyna jumys saparymen baryp, birqatar ónerkásip jáne áleýmettik nysandardy aralady.
Kárim Kókirekbaev Aqyrtóbe avtomattandyrylǵan gaz taratý stantsııasynyń qurylysymen tanysty.
«Jambyl oblysynda 546 eldi meken bolsa, sonyń 60%-ine gaz taratylǵan. Qazirge tek eki aýdanǵa gaz jetkizilgen joq», - dep atap ótti aımaq basshysy.
Aqyrtóbe avtomattandyrylǵan gaz taratý stantsııasynyń jobalyq quny - 473 399 myń teńgeni quraıdy. Stantsııanyń táýliktik qýattylyǵy 35 m3/saǵ. Qurylys jumystary aǵymdaǵy jyldyń sáýir aıynda bastaldy.
Oblys ákimi Qumaryq aýylyndaǵy «Boltaı batyr shaǵyn ortalyqty orta mektebi» kommýnaldyq memlekettik mekemesinde bolyp, jylý júıesin tekserdi. Sondaı-aq óńir basshysy quny 50 mln. teńge bolatyn «Jastar bolashaǵy» sharýa qojalyǵynyń mal bordaqylaý kesheninde boldy. Bordaqylaý kesheninde 100 bas iri qara mal bar jáne joǵary sapaly et óndiriledi.
Budan basqa, aımaq basshysy birqatar áleýmettik mańyzy bar nysandardy aralap, Qulan aýylynda «Bolashaq» saýda ortalyǵynda boldy. Ortalyq 2015 jylǵy jeltoqsanda ashylyp, qazirgi tańda 10 adam turaqty jumys oryndarymen qamtamasyz etilgen.
Sonymen qatar, Kárim Kókirekbaev Qulan aýylyndaǵy «Nurhat-Nurzat» JShS-niń «Móldir» jekemenshik balabaqshasyna at basyn tiredi. 100 oryndyq balabaqshada 17 pedagog jumys isteıdi.
Oblys ákimi bastaǵan jumys sapary Abaı aýylyndaǵy dárigerlik ambýlatorııanyń jumys barysymen tanysýǵa ulasty. Aǵymdaǵy jyldyń tamyz aıynda paıdalanýǵa berilgen ambýlatorııada 2 kúndizgi aýrý emdeý tósegi ornalastyrylǵan. Tıptik ǵımarattyń jylý júıesi ortalyqtandyrylǵan.
Óz kezeginde sharýa qojalyqtyń jumysymen tanysý barysynda oblys ákimine «Sulýtór» aýyl sharýashylyǵy óndiristik kooperatıvi tanystyryldy. Bıyl qurylǵan kooperatıvtiń negizgi qyzmeti - sútti óńdeý. 5 mln teńgege sút jınaǵysh, salqyndatqysh tanker ornatylǵan. Bolashaqta sút ónimderin óndirý tsehyn ashý josparlanyp otyr.
Aýdandyq mańyzy bar «Kamenka-pıoner lager» 12 shaqyrymdyq tasjoldyń qurylysymen tanysqan oblys ákimi jol qurylysynyń halyqqa qashanda mańyzdy ekendigin atap ótip, oń baǵasyn berdi. Jol qurylysynyń jalpy smetalyq quny - 188 944 myń teńgeni quraıdy.
