Jambyl oblysynda jańa balalabaqshalar men sport alańdary ashyldy
Taraz qalasy ákiminiń baspasóz qyzmeti habarlaǵandaı, Qumshaǵal alabynda shaǵyn fýtbol alańynyń saltanatty ashylý rásimi ótti. Aıta keteıik, oblys ortalyǵyn damytýdyń basty jospary boıynsha atalmysh turǵyn alaby jaqynda ǵana qalaǵa aýmaǵyna qosyldy jáne endi munda jedel ınfraqurylym damyp, zamanaýı mektepter boı kóterip jatyr.
«Taraz qalasy ákimdiginiń qoldaýymen ashylǵan osy jáne 4 alań qurylysyna 45 mln teńge qarjy jumsaldy. Osynyń bári qala turǵyndarynyń sportqa degen áýestiligin, sportqa degen umtylysyn arttyrý maqsatynda jasalyp jatyr. Elbasy halyqty sportpen shuǵyldanýǵa turǵyndardyń 30 paıyzyn jetkizýge mindet qoıǵan. Sol tapsyrmany oryndaý maqsatynda qala ákimdigi tarapynan osyndaı jumystar jasalyp jatyr, - dedi Taraz qalasy ákiminiń orynbasary Jasulan Hanalıev. - Qurylysty «Jasyl el» JShS júrgizdi. Bıyl Shóldala alqabynda jáne osy fýtbol alańyn qosa eseptegende, eki alańsha iske qosylǵan. Al jyl sońyna deıin taǵy 3 osyndaı fýtbol alańyn ashý josparda bar. Olar qaladaǵy Asa, Talas jáne Qarasaı shaǵyn aýdandarynda salynyp jatyr. Odan bólek Tarazda 4 strıt vorkaýt alańshasy jumys istep tur. Qazaq eli básekege qabiletti otyz eldiń qataryna ený úshin, eń áýeli eldiń kóshin órge súıreıtin jastardyń densaýlyǵy myqty ári shymyr bolýy kerek. Sportty janyna serik etken jas urpaqtyń táni men rýhyn shyńdaý jolynda naq mundaı sport alańshalarynyń qosar úlesi qomaqty».
Budan bólek, elimizdiń Táýelsizdik kúnin merekeleýde Jambyl oblysynda úsh jańa balabaqshanyń irgesi qalandy.
Tarazdaǵy «Talas» shaǵyn aýdanynda 280 oryndyq №42 «Juldyz» balabaqshasy ashylǵan. Mundaǵy balalar 12 topta, eki tilde - qazaqsha jáne oryssha tárbıelenedi. Balabaqshanyń ashylýy 80-nen astam adamdy jumyspen qamtýǵa sep boldy. Ǵımaratty kúrdeli jóndeýden ótkizý quny - 306 mln tenge.
Sonymen qatar, memlekettik-jeke seriktestik negizinde Merke aýdanynyń Merke aýylynda «Tańsholpan» jáne Aqermen aýylynda «Shaǵnur» balalar baqshasy paıdalanylýǵa berildi.
