Jambyl oblysynda jaǵdaıy tómen otbasylarǵa dári-dármekter taratylýda
TARAZ. QazAqparat – Jambyl oblysynyń turǵyndaryna medıtsınalyq dári-dármekter qamtylǵan myńnan astam paket taratylady. Aktsııa emhanalarǵa bekitilgen áleýmettik qorǵalmaǵan toptardyń azamattaryn qoldaýǵa baǵyttalǵan, dep habarlaıdy QazAqparat tilshisi.
Taraz qalasy ákimdiginiń qoldaýymen jáne «Sýper-Farm» jergilikti kásipornynyń qarjylandyrýymen oblys ortalyǵyndaǵy toǵyz emhanaǵa 560 dári-dármek paketi jetkizildi. Onda shprıtster, sıstemalar, spırttik súlgiler, koronavırýs ınfektsııasy men pnevmonııany emdeýge arnalǵan hattamaǵa engizilgen preparattar (antıbıotıkter, dárýmender, antıpıretıkalyq jáne qabynýǵa qarsy preparattar) jáne basqa da dáriler bar. Bir paket 7 kúndik emdeý kýrsyna arnalǵan, ózindik quny boıynsha baǵasy 7 825 teńgeni quraıdy.
- Bizge densaýlyq saqtaý basqarmasy qońyraý shalyp, dári-dármek alý úshin «Sýper-Farm» JShS-ne barý kerektigin aıtty. Bul biz úshin óte jaǵymdy jańalyq boldy. Ótken jyly kúndizgi statsıonarlardy qarjylandyrý bastalǵan kezde, aldymyzda osyndaı indet kútip tur dep eshkim oılaǵan joq. Sondyqtan osyndaı mańyzdy kómektiń ýaqtyly kórsetilgendigi qýańtady, - deıdi №1 qalalyq emhananyń provızory Ultaı Kýdııarova.
Sonymen qatar, «Taraz» ÁKK»AQ jáne «Atameken» óńirlik kásipkerler palatasynyń qoldaýymen oblys aýdandarynyń turǵyndaryna úshin qosymsha 520 dári-dármek paketi satyp alyndy.
