Jambyl oblysynda zaýyttan natrıı trıpolefosfatynyń 484 qaby urlanǵan
Jambyl aýdanynyń polıtsııa bólimine JShS dırektory habarlasyp, bıylǵy jyldyń 10-18 qarashasy aralyǵynda belgisiz tulǵalar zaýyt aýmaǵyndaǵy eki júk vagonyn ashyp, jalpy quny 4 735 000 teńge kólemindegi natrıı trıpolefosfatynyń 484 qabyn, ıaǵnı 12,3 tonna ónimdi urlap ketkendigi týraly shaǵymdanǵan.
«Jedel-izdestirý is-sharalaryn júrgizý kezinde Jambyl oblysy Polıtsııa departamentiniń qyzmetkerleri 2 kúdiktini anyqtap, ustady. Olar Taraz qalasynyń 28 jastaǵy jáne Jambyl aýdanynyń 30 jastaǵy turǵyndary bolyp shyqty. Ustalǵandar óz kinálaryn tolyq moıyndady. Atalǵan derekke qatysty Qazaqstan Respýblıkasy Qylmystyq kodeksiniń 188-baby 3-bóligi boıynsha sotqa deıingi tergeý amaldary bastaldy», - delingen vedomstvo habarlamasynda.
Bul qylmysty jasaǵany úshin QR Qylmystyq kodeksinde múlki tárkilenip, eki jyldan jeti jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý túrindegi jaza kózdelgen.