Jambyl oblysynda zańsyz júrgen 35 shetel azamaty elden qýyldy
TARAZ. QazAqparat – Zańsyz kóshi-qonǵa qarsy is-qımyl maqsatynda Jambyl oblysynyń aýmaǵynda «Zańsyz trafık» jedel aldyn alý is-sharasynyń aptalyq birinshi kezeńi ótti, dep habarlaıdy QazAqparat tilshisi.
Shara barysynda Qazaqstan Respýblıkasynyń kóshi-qon zańnamasyn buzǵany úshin 337 sheteldik azamat ákimshilik jaýapkershilikke tartyldy.
Atalǵan sanattaǵy sheteldikterden sot sheshimimen TMD elderiniń 35 azamaty Qazaqstan Respýblıkasynan tys jerge shyǵaryldy.
«Sheteldik jumysshy kúshin jáne ımmıgranttardy tartýda Qazaqstan Respýblıkasynyń zańnamasyn buzǵany úshin Qazaqstan Respýblıkasynyń tórt azamatyna qatysty ákimshilik quqyq buzýshylyq týraly hattama jasaldy. Sheteldikter men azamattyǵy joq adamdardy qabyldaıtyn jeke jáne zańdy tulǵalardyń buzýshylyqtary úshin Qazaqstannyń 194 azamaty ákimshilik jaýapkershilikke tartyldy», – deıdi Jambyl oblysy PD Kóshi-qon qyzmeti basqarmasynyń bastyǵy Arman Turdalıev.
Qazaqstannyń memlekettik shekarasyn qasaqana zańsyz kesip ótkeni úshin Qyrǵyzstan Respýblıkasynyń azamatyna qatysty sotqa deıingi tergeý amaldary bastaldy.
Zańsyz kóshi-qon arnalaryn uıymdastyrǵany úshin Qazaqstannyń eki azamatyna qatysty tergeý júrip jatyr.
Kóshi-qon zańnamasyn buzǵan sheteldikterdi anyqtaýda júrgizilip jatqan jumystar Jambyl oblysynyń polıtsııa departamenti kóshi-qon qyzmetiniń turaqty baqylaýynda.
