Jambyl oblysynda zańsyz júrgen 152 sheteldik el aýmaǵynan shyǵaryldy
TARAZ. QazAqparat – Jambyl oblysynda 4 kúnde 700-ge jýyq shetel azamaty jaýapqa tartyldy, dep habarlaıdy QazAqparat tilshisi.
Jaýapqa tartylǵandar el aýmaǵynda júrip-turý erejesin buzǵan. Bul jedel aldyn-alý sharasy kezinde anyqtalǵan. Búginde 4 adamnyń ústinen qylmystyq is qozǵalýda. Onyń bireýi adamdardyń kóship-qonýyn zańsyz uıymdastyryp kelgen. Al, qalǵandarynyń basym kópshiligi qujattaryn ýaqtyly rásimdemegen. Olar negizinen Ózbekstan men Qyrǵyzstan elderiniń azamattary.
Kóshi-qon polıtsııasy qyzmetkerleriniń aıtýynsha, kelimsekter sany jyldaǵydan artqan. Olardyń deni jumys izdep, tabys tabý maqsatynda keledi. Jedel aldyn-alý sharasy kezinde aımaqta júrgen 152 sheteldik Qazaqstan shekarasynan shyǵaryldy. Qalǵandaryna eskertý jasalǵan.
«Kóshi-qon qyzmeti zańy boıynsha ákimshilik quqyqbuzýshylyqtardy jasap, sottyń sheshimin durys oryndamaǵany úshin tartylǵan azamattar. Jeke adamdarǵa jumysqa kelgen adamdar bar. Nemese kompanııalar, bizde Moıynqum, Sarysý jaqtarda shetel azamattarynyń kompanııalary bar, solarǵa jumysqa kelgender»,- deıdi oblystyq PD kóshi-qon qyzmeti basqarmasynyń ınspektory Marjan Qurmasheva.
