Jambyl oblysynda zańsyz aınalymnan tárkilengen spırtten antıseptık jasalyp jatyr
TARAZ. QazAqparat – Jambyl oblysynda zańsyz aınalymnan tárkilengen etıl spırtinen antıseptık jasalyp jatyr, dep habarlaıdy QazAqparat oblys ákimdigigine silteme jasap.
Jambyl oblysy ákimdiginiń Memlekettik múlik jáne jekeshelendirý departamenti men Qarjy basqarmasynyń buıryqtarynyń negizinde tárkilengen 9 tonna etıl spırti oblystyq kópsalaly balalar aýrýhanasyna tegin berildi.
Sondaı-aq, jergilikti farmatsevtıkalyq kompanııa osy spırtten 13 myń lıtr antıseptık pen dezınfektsııa quralyn jasaýdy josparlap otyr.
Aıta keteıik, qazirgi tańda óńirde dárilik zattardy, medıtsınalyq jabdyqtardy, jeke qorǵaný jáne dezınfektsııalaýshy quraldardy, PTR men test júıelerin satyp alýǵa QR Úkimetiniń rezerv qorynan 536 mln teńge, QR Densaýlyq saqtaý mınıstrliginiń epıdemıologııalyq qorynan 43 mln teńge, jergilikti bıýdjetten 281 mln teńge, jalpy somasy 860 mln teńge bólindi.
