Jambyl oblysynda zańsyz ań aýlaǵandardan eki qarý tárkilendi
TARAZ. QazAqparat – Jambyl oblysynda kóktemgi ańshylyq maýsymynyń ashylýyna baılanysty qaskóılikke qarsy 6 ret reıd uıymdastyryldy, dep habarlaıdy QazAqparat tilshisi.
Ótkizilgen reıd nátıjesinde QR ÁQB kodeksiniń 382 babynyń 1-tarmaǵy boıynsha 10 hattama toltyrylyp, 2 ańshylyq atys qarýy tárkilendi.
Oblystyq janýarlar dúnıesi ańshylyq sharýashylyǵy bóliminiń bas mamany Bekjan Jumaǵulovtyń aıtýynsha, jalpy oblysymyzda barlyǵy 58 ańshylyq alqaby bar.
Onyń 44- i 27 tabıǵat paıdalanýshy ıeligine bekitilip berilgen, ondaǵy jer kólemi 1,9 mıllıon gektardy quraıdy.
«Óńirimizdiń ańshylyq alqaptaryndaǵy ań-qustardyń belgilengen zań aıasynda 17 túrin ǵana aýlaýǵa ruqsat etilgen. Onyń ishine tuıaqtylardan qaban, elik, taý eshkisi, terisi baǵaly ańdardan – túlki, qarsaq, qoıan, ondatra, sýyr, borsyq, qanattylardan – úırek, qaz, jylqyshy, qyrǵaýyl, kekilik, bódene, kepter, ular, qasqaldaq qustary kiredi»,-deıdi B.Jumaǵulov.
