Jambyl oblysynda volonterler polıtsııa qyzmetkerlerine kómektesýde
TARAZ. QazAqparat – Jambyl oblysynda polıtsııa qyzmetkerlerimen birge eriktiler aımaqtaǵy barlyq aýdanaralyq blokposttardyń jumysyna atsalysýda, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Shara b arysynda belsendi jastar tótenshe jaǵdaı kezinde qoıylatyn talaptar týraly, atap aıtqanda, avtokólikter qozǵalysyna qatysty shekteýler kórsetilgen jadynamalardy taratty.
«Qazir elimiz búkil álem sııaqty qıyn kezeńdi bastan ótkerýde. Biz halyqtyń qaýipsizdigi men qoǵamnyń tynyshtyǵy jolynda qyzmet etip júrgen jandarǵa árdaıym kómektesýge daıynbyz. Sol maqsatta búgin jambyldyq polıtseılerdiń blokbeketterindegi jumystaryna qatysyp, turǵyndarǵa qaýipsizdik sharalaryn saqtaýdyń asa mańyzdylyǵyn túsindirýge, aqparattandyrýǵa óz úlesimizdi qostyq», - deıdi volonter Aıaýlym Rasylhan.
Eske sala ketsek, Jambyl oblysynda 31 naýryzdan bastap kólik quraldarynyń barlyq túrleriniń maqsatsyz kirýine jáne shyǵýyna shekteý sharalary engizilgen bolatyn.
