Jambyl oblysynda veterınarııalyq vaktsınalar zaýyty salynady
TARAZ. QazAqparat - Jambyl oblysynda ındýstrıaldy-ınnovatsııalyq damý baǵdarlamasy aıasynda aýqymdy jobalardy júzege asyrý kózdelip otyr, dep habarlaıdy QazAqparat oblys ákimdiginiń baspasóz qyzmetine silteme jasap.
Ákimdik ókilderiniń habarlaýynsha, bıylǵy jyly oblysta quny 16 mlrd teńge bolatyn 8 joba júzege asyrylmaq. Olardyń arasyndaǵy eń irisi veterınarııalyq vaktsınalar zaýytynyń qurylysy. Kásiporyn janýarlarǵa arnalǵan vaktsınalardy saýyqtyrý, daıgnostıka jáne janýralar arasyndaǵy aýrýlardy emdeý maqsatynda GMP jáne GLP standarttary boıynsha shyǵarady.
Sondaı-aq quny 2 mlrd teńge bolatyn bıokombınat Qordaı aýdanynda paıda bolady. Alǵashqy jyly zaýyttyń jobalyq quny jylyna 25 mln doza vaktsınany quraıdy. Bolashaqta kásiporynnyń qýatyn 3 esege arttyrý josparlanyp otyr. Zaýyttyń qurylysymen «BioVetKZ» JShS aınalysýda. Atalmysh seriktestiktiń basty qyzmeti veterınarııa salasyndaǵy dárilik preparattardy shyǵarý. Kompanııa vaktsııanalardyń 11 túrin shyǵarmaq.
«Jambyl oblysy jyl saıyn aýyl sharýashylyǵy salasyndaǵy janýarlarǵa arnalǵan vaktsınalardy satyp alýǵa mol kólemde qarjy jumsaıdy»,-dep habarlady oblystyq ákimdiktiń baspasóz qyzmeti.
Satyp alynatyn vaktsınalar brýtsellez, sibir jarasy, aýsyl sııaqty kóp taraǵan aýrýlardan qorǵaıdy. Bolashaqta vaktsınalardy satý naryǵyn keńeıtip, Ortalyq Azııa, Qytaı men Túrkııany da qamtý josparda bar.
Aıta keteıik, ındýstrııalandyrýdyń ekinshi besjyldyǵy aıasynda óńirde 42 ınvestıtsııalyq joba júzege asyrylýda. Atalǵan sharalarǵa oraı, jańa aımaqta óndirister iske qosylyp, 6 myńnan astam adam jumyspen qamtylady.
Memlekettik baǵdarlama júzege asyrylǵan 2 jylda 23 joba iske qosylyp, 1,5 myń jambyldyq jumyspen qamtyldy. Qalǵan 19 joba 2025 jylǵa deıin júzege asyrylady. Olardyń biraz bóligi bıylǵy jyldyń ekinshi jartysynda iske qosylady.
Jambyl oblystyq kásipkerlik jáne ındýstrıaldy-ınnovatsııalyq damý basqarmasynyń málimetteri boıynsha, aldyn ala josparlanǵan 8 jobanyń 4-ýi Tarazda iske qosylady. Qalǵandary Qordaı, Baızaq, Moıynqum jáne Merki aýdandarynda qolǵa alynatyn bolady.
Jańa jobalardyń arqasyna 947 jumys orny paıda bolady.
