Jambyl oblysynda vaktsınalaý deńgeıi joǵary aýdandarda indet juqtyrý tómendedi
TARAZ. QazAqparat – Jambyl oblysynyń ákimi Berdibek Saparbaevtyń tóraǵalyǵymen ótken kezekti apparattyq keńeste sanıtarlyq-epıdemıologııalyq ahýal máseleleri saralandy, dep habarlaıdy QazAqparat tilshisi.
Densaýlyq saqtaý basqarmasynyń basshysy Áset Qalıevtińaıtýynsha, 6-13 shilde aralyǵynda óńirde COVID-19 aýrýynyń ósýi baıqalǵan. 13 maýsymdaǵy málimetterge sáıkes, oblys boıynsha 10 381 adam ınfektsııa juqtyrǵan. Tek sońǵy táýliktiń ózinde KVI 52adamnan rastalǵan.
Qazirgi ýaqytta ınfektsııalyq statsıonarlarda 2075 tósek-oryn, onyń ishinde 202 -
reanımatsııalyq bólimshelerde, taǵy 170 –karantındik statsıonarlarda daıyndalǵan. Qosymsha 2 685 tósek-oryn, onyń ishinde 299 - reanımatsııada ornalastyrý múmkindigi bar.
«Baızaq, Jambyl, T.Rysqulov aýdandarynda jáne Taraz qalasynda ınfektsııanyń joǵarylaý deńgeıi baıqalady», - dedi Áset Qalıev.
Ol 582 myń jambyldyqty vaktsınatsııalaýmen qamtý josparlanyp otyrǵanyn atap ótti. Búgingi kúni jospar 41,5 paıyzǵa oryndaǵan. 43 egý pýnktiniń 15-i Tarazda, 28-i aýdandarda ornalasqan.
Basqarma basshysy vaktsınatsııa qarqyny artyp kele jatqan aýdandarda epıdemıologııalyq ahýaldy qalypqa keltirýdin turaqty úrdisi baıqalatynyn aıtty.
«Dúnıejúzilik densaýlyq saqtaý uıymy pandemııanyń jańa kezeńiniń qaýiptiligi týraly eskertýde. Biz barlyq jaǵdaıǵa daıyn bolýymyz kerek. Ótken qatelikterdi eskerip, olarǵa qaıta jol bermeý boıynsha jumys jasaýǵa tıispiz», - dedi oblys ákimi.
Aımaq basshysy tósek-oryndardy daıyndaýdy, dári-dármekter men jeke qorǵanys quraldarynyń qajetti qoryn qalyptastyrýdy, kerekti qural-jabdyqtardy satyp alýdy, qoldanystaǵy ÓJJ-apparattarynyń jaı-kúıin tekserýdi tapsyrdy.
Sonymen qatar, Berdibek Saparbaev aýdan ákimderine, memlekettik organdardyń basshylaryna túsindirý jumystaryn kúsheıtý, halyqty koronavırýstyq ınfektsııaǵa qarsy vaktsınatsııalaýdy keńeıtýdiń mańyzdylyǵyn jetkizdi.
Sanıtarlyq-epıdemıologııalyq baqylaý departamentiniń basshysy Baıdildá Shynalıev mobıldik toptardyń shekteý sharalarynyń saqtalýyn baqylaý boıynsha jumystary oıdaǵydaı oryndalmaı otyrǵanyn jetkizdi.
«Sońǵy kúnderi Sarysý, Moıynqum, Jýaly aýdandarynda reıdter qorytyndysy boıynsha karantındik shekteýlerdiń birde-bir buzylýy anyqtalmaǵan. Bulaı bolýy múmkin emes. Kez kelgen saýda ortalyǵyna barsańyz, satýshylar da, satyp alýshylar da betperde taqpaıtynyn kóresizder. Bıznes nysandarynyń qyzmetkerleri turǵyndardan betperde taǵýdy talap etip, antıseptıkter usynýy kerek.
Eger kimde-kim sanıtarlyq normalardy saqtaǵysy kelmese, olardy jaýapkershilikke tartý qajet», - dep talap etti oblys ákimi.
Keńeske qatysýshylar mobıldik toptardyń quramyn qaıta qaraý týraly sheshim qabyldady.
Berdibek Saparbaev shekaradaǵy baqylaýdy da kúsheıtý qajettigine nazar aýdartty.
