Jambyl oblysynda úsh jasóspirimge oq atyldy
TARAZ. QazAqparat – Tarazda úsh jasóspirimdi atyp ketken, olar qazir aýrýhanada jatyr, dep habarlaıdy QazAqparat tilshisi.
Taraz qalasynyń Polıtsııa basqarmasyna úsh kámeletke tolmaǵannyń oq-dári (bytyra) jaraqatymen oblystyq balalar aýrýhanasyna jetkizilgeni týraly habarlama kelip tústi.
«Atalǵan derek boıynsha sotqa deıingi tergep-tekserý amaldary júrgizilýde. Qylmysty jasaǵan kúdikti ustalyp, qamaqqa alyndy. Kámeletke tolmaǵandardyń densaýlyq jaǵdaılary turaqty, ómirlerine eshqandaı qaýip tónip turǵan joq»,- dedi oblystyq polıtsııa departamentiniń baspasóz qyzmeti.
Sondaı-aq, vedomstvo Qylmystyq istiń tolyq mán-jaıy Qylmystyq-protsessýaldyq kodekstiń 201-babyna sáıkes tergeý múddesine baılanysty jarııalanýǵa jatpaıtyndyǵyn aıtqan.
