Jambyl oblysynda úsh sý qoımasy salynady
TARAZ. QazAqparat - Egistikke arnalǵan sý kózderi tapshylyǵyn Jambyl óńiri qolda bar sý qoımalaryn jańǵyrtyp, jańartý arqyly sheshpek, dep habarlaıdy «QazAqparat» HAA tilshisi.
Oblystyq aýyl sharýashylyǵy basqarmasynyń málimetine júginsek, jyl saıyn óńirdegi 10-12 paıyz jer sý tapshylyǵynan ıgerilmeı qalady eken. Oǵan sebep Qyrǵyzdaǵy Talas pen Shý ózenderinen keletin sýdyń turaqty emestigi. Tasótkel jáne Teris-Aşybulaq sý qoımalarynyń tartylyp qalýy jáne kanaldar aqaýy.
Oblys ákiminiń baspasóz qyzmeti habarlaǵandaı, aımaqqa úsh jańa sý qoımasyn salýǵa jáne taǵy úsh qoımany jóndep, 280-nen astam sý uńǵymasyn qalpyna keltirýge, 700 shaqyrym kollektorlyq-drenajdyq jelini jóndeýge 6 mlrd teńge bólingen.
Osyǵan sáıkes oblysta salynatyn shaǵyn úsh sý qoımasy jambyldyq sharýalarǵa vegetatsıondyq maýsymda úzdiksiz sý berip tura alady.
