Jambyl oblysynda úsh kúnde 31 sheteldik elden shyǵaryldy
TARAZ. QazAqparat – Jambyl oblysynyń aýmaǵynda zańsyz kóshi-qonǵa qarsy is-qımylǵa baǵyttalǵan «Mıgrant» jedel-aldyn alý is-sharasy ótkizildi, dep habarlaıdy QazAqparat tilshisi.
Úsh kún ishinde jambyldyq polıtseıler Qazaqstan Respýblıkasynda bolý erejelerin buzǵan 82 sheteldikti anyqtady.
Olar ákimshilik jaýapkershilikke tartyldy.
Sot sheshimi boıynsha TMD-nyń 31 azamaty elden shyǵaryldy.
Sheteldik jumys kúshin tartý jáne paıdalaný erejesin buzǵany úshin - 6 jumys berýshi jáne sheteldikter men azamattyǵy joq adamdardy qabyldaıtyn tulǵalardyń tirkeý erejelerin buzǵany úshin - 123 QR azamaty ákimshilik jaýapkershilikke tartylǵan.
Sonymen qatar, memlekettik shekaradan ótý erejesin buzǵany úshin Qordaı aýdanynda el azamatyna qatysty bir qylmystyq is qozǵalǵan.
«Polıtseıler qoldanystaǵy zańnama aıasynda kóshi-qon aǵynyn retteý boıynsha turaqty negizde sharalar qabyldaýda. Bul másele oblystyń PD basshylyǵynyń erekshe baqylaýynda» dep atap ótti PD kóshi-qon qyzmeti basqarmasynyń bastyǵy Arman Turdalıev.
