Jambyl oblysynda usaq sharýa qojalyqtary 10 agroholdıngige birigýde
TARAZ. QazAqparat – Jambyl oblysyndaǵy usaq sharýa qojalyqtary 10 agroholdıngige birigýde, - dep habarlaıdy QazAqparat tilshisi.
Búgingi tańda oblysta 18 myńnan astam sharýa qojalyqtary bar desek, olardyń kóbisi usaq sharýashylyqtar bolyp tabylady. Al, bul sharýashylyqtardyń ónimdiligi men tehnıka alý múmkindikteri óte tómen.
Osyny eskergen oblys ákimi Berdibek Saparbaev oblystaǵy usaq sharýashylyqtardyń basyn qosyp agroholdıng qurýdy jáne ár agroholdıngke qajetti tehnıkalardy «Taraz» mıkroqarjy uıymy arqyly lızıngke alyp berýdi tapsyrǵan bolatyn.
Osyǵan baılanysty oblystyq aýyl sharýashylyǵy basqarmasy basshysynyń m.ý.a. Qaırat Amanovtyń tóraǵalyǵymen jıyn ótip, oǵan aýdan ákiminiń orynbasarlary men aýyl sharýashylyǵy bóliminiń basshylary jáne agroholdıng jetekshileri qatysty.
10 aýdanda qurylǵan agroholdıngterge beriletin tehnıkalardyń sany men qarajat kólemi talqylanǵan jıynda Qaırat Amanov holdıngterdiń quramynda birinshi kezekte agronom, ınjener, esepshi sııaqty mamandary men tehnıka qoıatyn oryndary bolý kerektigin atap ótip, bul jumystardy jedeldetýdi tapsyrdy.
Jıyn sońynda qajetti kólemi naqtylanǵan tehnıkalardy alý boıynsha usynys «Taraz» mıkroqarjy uıymyna joldandy.
Aıta ketý kerek, qazirgi ýaqytta oblystyń barlyq aýdanynda 10 agroholdıng qurylǵan. Aldaǵy ýaqytta bul uıymdar usaq sharýa qojalyqtardyń kóktemgi jáne kúzgi dala jumystyryn júrgizýge óz septigin tıgizetin bolady.
