Jambyl oblysynda Ulttyq gvardııa sarbazdary órtengen úı turǵyndaryn qutqaryp qaldy
NUR-SULTAN. QazAqparat – Jambyl oblysy Qordaı aýdany Sortóbe aýylynda qoǵamdyq tártipti jáne qaýipsizdikti saqtaý qyzmeti kezinde gvardııalyqtar órtenip jatqan úıden 5 adamdy, onyń ishinde 3 balany evakýatsııalady. Bul týraly QazAqparat QR ІІM Ulttyq gvardııanyń baspasóz qyzmetine silteme jasap habarlaıdy.
Búgin tańǵy saǵat 7.30 shamasynda 6654 áskerı bóliminiń jasaǵy turǵyn úılerdiń birinen tútin baıqaǵan. Bul týraly dereý Ulttyq ulannyń jedel shtabynyń ofıtserine habarlandy. Jedel shtab úsh mınýt ishinde eki órt sóndirý brıgadasyn oqıǵa ornyna jiberdi.
Kapıtan Erjan Arystanbekov jáne patrýldik jasaq Erqanat Bazarbaı men Nurbek Dúısenbın órtengen úıden 5 turǵyndy, onyń ishinde 3 balany evakýatsııalady. Sondaı-aq órt aýmaǵy qorshaýǵa alynǵan.
«Órt sóndirýshiler apattyq-qutqarý jumystaryn júrgizdi. Oqıǵanyń sebepteri anyqtalýda, eshkim zardap shekken joq.
