Jambyl oblysynda ulttyq at sportynan el chempıonaty bastaldy
ASTANA. QazAqparat - Chempıonat sáýirdiń 10-15-i kúnderi Bektóbe aýylyndaǵy "Atshabar" ıppodromynda ótedi, dep xabarlaıdy QazAqparat tilshisi.
"Jastar arasyndaǵy jarystarǵa 1997-2000 jyldar aralyǵynda týǵan jasóspirimder qatysady. Olar sporttyń tórt túrinen - kókpar, aýdaryspaq, jamby atý jáne teńge ilýden ózara saıysqa túsedi. Chempıonatqa 12 oblystan 240 sportshy qatysady dep kútilýde", - dedi Ortalyq kommýnıkatsııalar qyzmetiniń resmı ókili Murat Jumanbaı búgingi brıfıngte
Al sáýirdiń 12-14-inde Shymkent qalasynda kórkem gımnastıkadan QR Kýbogy men kezekti jastar oıyndary ótedi. Oǵan barlyq óńirlerden 360-jýyq sportshy qatysady. Sondaı-aq, sáýirdiń 14-i kúni Pavlodar oblysynda Qazaq KSR-nyń eńbek sińirgen jattyqtyrýshysy Batyrbek Seısenbaevty eske alýǵa arnalǵan dzıýdodan xalyqaralyq týrnır ashylady.
Aıta keteıik, búgingi brıfıngte Jumanbaı depýtattardyń osy aptadaǵy jumy kestesin jarııalap , birqatar memlekettik organ basshylaryny aımaqtardy aralaıtynyn jetkizdi.
