Jambyl oblysynda TJ talaptaryn buzýdyń 119 deregi tirkeldi
Polıtsııa departamentiniń málimetinshe, koronavırýstyq ınfektsııanyń taralýynyń aldyn alý jáne jol bermeý maqsatynda Jambyl oblysynyń shyǵý/kelý joldarynda 36 blokpost jumys isteýde, onyń ishinde 7 – i Taraz qalasynda. Oblysta karantın rejımin engizýmen patrýldik jasaq jumysy da kúsheıtildi. Eki aýysymdyq rejımde qalada 10 mobıldi top kezekshilik etýde.
«Ýchaskelik polıtsııa ınspektorlary aýlalardy aralap, oblys ortalyǵy men aýdandardaǵy patrýldeý barysynda avtoekıpajdar turǵyndardy karantın talaptaryn mindetti túrde oryndaý kerektigin eskertýde. Tótenshe jaǵdaı kezinde 119 ákimshilik quqyq buzýshylyq anyqtaldy. QR ÁQBtK 476 baby boıynsha-118, onyń ishinde 9 eskertý, 75 adamǵa 10 AEK mólsherinde ákimshilik aıyppul salynsa, 12 fakti boıynsha ákimshilik qamaýǵa alyndy. Qalǵandary boıynsha materıaldar sotqa joldandy. Sonymen qatar, bir adam QR ÁQBtK-niń 478-baby boıynsha ákimshilik qamaýǵa alyndy», delingen vedomstvo habarlamasynda.
Qazirgi ýaqytta aýdandar men oblys ortalyǵyndaǵy jaǵdaı oblystyq polıtsııa departameniti basshylyǵynyń turaqty baqylaýynda.