Jambyl oblysynda túrme aýmaǵynan «kýrer-dron» ustaldy
TARAZ. QazAqparat - Jambyl oblysynda qaýipsizdigi barynsha joǵary TJ-158/4 mekemesiniń aýmaǵyna dronmen tyıym salynǵan zattar berilmek boldy. Bul týraly Qylmystyq atqarý júıesi komıtetiniń baspasóz qyzmetinen málim etti, dep habarlaıdy QazAqparat.
Qylmystyq atqarý júıesi departamentiniń qyzmetkerleri «kýrer-drondy» túrmeniń irgeles aýmaǵynda, ákimshilik ǵımarattyń artynda baıqap, ustaǵan. Dronǵa plastıkalyq bótelke baılanǵan, ishinen telefondar tabyldy.
«Atalǵan fakti boıynsha Taraz qalasy polıtsııa basqarmasynyń jedel-tergeý toby shaqyryldy. Aýtopsııa kezinde eki smartfon anyqtaldy. Apparatty iske qosqan adamdy kezekshi narıad tappady. Qyzmettik tekserý taǵaıyndaldy», - dedi QAJD bastyǵynyń mindetin atqarýshy Teńizjan Jánibekov.
Eske sala keteıik, Qylmystyq-atqarý júıesi mekemelerinde ustalatyn adamdarǵa tyıym salynǵan zattar men buıymdardy berý áreketi «Ákimshilik quqyq buzýshylyq týraly» Qazaqstan Respýblıkasy kodeksiniń 481-tarmaǵyna sáıkes ákimshilik jaýaptylyqqa ákep soǵady.
