Jambyl oblysynda turǵyn úıde órt bolyp, 50-den astam adam qutqaryldy

TARAZ. QazAqparat - Taraz qalasyndaǵy bes qabatty turǵyn úılerdiń birinen órt shyqty, dep habarlaıdy QazAqparat tilshisi.

Oqıǵa ornyna Jambyl oblystyq tótenshe jaǵdaılar departamentiniń qyzmetkerleri jedel jetip, baspaldaq arqyly 50 adamdy evakýatsııalap, qaýipsiz jerge kóshirdi. Onyń 20-sy — bala.

Apattar medıtsınasy ortalyǵy fılıalynyń dárigerleri men psıhologteri atalǵan kópqabatty turǵyn úıdiń turǵyndaryna psıhologııalyq kómek kórsetti.«Órt saǵat 12.44-te oqshaýlanyp, saǵat 12.47-de joıyldy. Órttiń jalpy aýdany 30 sharshy metrdi qurady. Qazirgi ýaqytta órttiń shyǵý sebebi anyqtalýda.
Órtti sóndirýge oblystyq tótenshe jaǵdaılar departamentiniń 33 qyzmetkeri men 7 birlik tehnıka jumyldyryldy», - deıdi oblystyq tótenshe jaǵdaılar departamentiniń baspasóz qyzmeti.

Aıta keteıik, buǵan deıin Jambyl oblysynda bir táýlikte birneshe órt tirkelgenin habarlaǵan bolatynbyz. Oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń qoǵammen baılanys toby bergen málimetterge súıensek, 31 mamyr kúni saǵat 11:06-da Shý aýdany Dalaqaınar aýylyndaǵy tórt kórshiles turǵyn úılerdiń qoralary jáne shóphanasy otqa oranǵan.