Jambyl oblysynda turǵyn úı qurylysy qarqyndy júrip jatyr
TARAZ. QazAqparat - Jambyl oblysynda «7-20-25» baǵdarlamasy boıynsha turǵyn úı qurylys jumystary júrip jatyr, dep habarlaıdy «QazAqparat» tilshisi.
«Búginde Taraz qalasynda 15 myń adam baspana kezeginde tur, al 15 shaǵyn aýdanda salynyp jatqan qurylysqa 65 myńdaı adam kezekte tur. Qazir «Jambylhımstroıınjenırıng» kompanııasynyń baǵdarlamasynyń aıasynda 280 kópqabatty jáne 922 jer úı turǵyzý josparlanyp otyr. 35 myń sharshy metr baspanamen 4 myń adam qamtylady. «7-20-25» baǵdarlamasy boıynsha ıpoteka alýǵa bolady»,-deıdi «Jambylhımstroıınjenırıng» JShs-niń dırektory ıÝrıı Mınakov.
ıÝrıı Mınakovtyń aıtýynsha, jańa shaǵyn aýdan jobasyna 80 páter engen. Onyń ishinde 41 sharshy metrlik bir bólmeli 10 páter, 52 sharshy metrden turatyn 55 eki bólmeli páter jáne 15 sharshy metrden turatyn 68 úsh bólmeli páter bar. Jańa baǵdarlama Turǵyn úı qurylys jınaq banki arqyly júzege asyrylatyn bolady. Jer úılerde bir sharshy metriniń baǵasy 120 myń teńgeni quraıdy. Kópqabatty úılerdegi baǵa - 140 myń teńge.
«Jańa baǵdarlama jastarǵa turǵyn úıdi ońaı satyp alýǵa múmkindik beredi. Qazaqstandyqtar nesıelik paıyzdyq mólsherlemesi boıynsha jylyna 7 paıyzdan aspaıtyn ıpotekalyq nesıe ala alady, al qazir syıaqy mólsherlemesi 18 paıyzdy quraıdy. Turǵyn úı qurylys jınaǵynyń bastapqy jarnasy 30-50 paıyzdyń ornyna 20 paıyzdy quraıdy. Aı saıynǵy tólemderdi tómendetý úshin ıpoteka merzimi 25 jylǵa sozylǵan»,-deıdi kompanııa dırektory. 
Taraz qalasyn damytýdyń jalpy josparyna sáıkes qala irgesinen alty myń gektar jer bólindi. Soltústik-batysqa qaraı qala keńeıe túsedi dep boljanyp otyr. Talas ózeniniń jaǵalaý bóliginde rekreatsııalyq aımaq qurý josparlanǵan. 462 gektar jerde zamanaýı 14-shi jáne 15-shi shaǵyn aýdandar ornalasatyn bolady, Bul oblys ortalyǵynyń sáýletin aıtarlyqtaı ózgertedi.
