Jambyl oblysynda Tuńǵysh Prezıdent týraly kórme ashyldy
Oblystyq tarıhı-ólketaný mýzeıinde ótken atalmysh kóshpeli kórmeniń ashylýyna QR Tuńǵysh Prezıdenti-Elbasy kitaphanasynyń dırektory Ámirhan Rahymjanov, oblys ákimi Asqar Myrzahmetov jáne qala turǵyndary men stýdentter qatysty. Óz alǵy sózinde Asqar Isabekuly is-sharanyń mazmuny men mańyzdylyǵy týraly aıtyp ótse, Ámirhan Muratbekuly táýelsizdik jyldaryndaǵy Tarazdyń damýyndaǵy Elbasy róline toqtaldy.
Táýelsiz elimizdiń qalyptasý tarıhyndaǵy TuńǵyshPrezıdenttiń rólin júıeli baıandaıtyn kórmede qonaqtar Elbasynyń arhıv, kitaphana, mýzeı qorlarynan alynǵan biregeı materıaldarmen tanysty. Sondaı-aq, Nursultan Nazarbaevtyń joǵarǵy memlekettik marapattar kolektsııasymen, memleket basshylary men bedeldi jazýshylardyń qoltańbasy bar tartýlyq basylymdar men Elbasynyń kóp tilde jaryq kórgen eńbekterin tamashalady.
Kórme tórt bólimnen turady. Alǵashqy «Elbasy joly» bóliminde Tuńǵysh Prezıdent N.Á.Nazarbaevtyń ómir kezeńderinen syr shertetin jádigerler ornatylǵan. Onda Elbasy joly rýhanı jańǵyrýǵa túrtki bolǵan tarıhı oqıǵalardy sıpattaý arqyly kórsetiledi. Al, «Elbasy fenomeni» bóliminde el tizginiń ustap, jahandyq keńistikke turaqtylyq pen qaýipsizdińtiń jańa ıdeıalaryn taratqan N.Á. Nazarbaevtyń memleket qurýdaǵy basty tujyrymdamasyn baıandalady. Ondaǵy Semeı ıadrolyq polıgonynyń jabylýynan bastap, memleket astanasynyń kóshirilýine deıin tarıh paraǵyna óshpesteı bolyp jazylǵan mańyzdy oqıǵalar, batyl sheshimder men bastamalary arqyly Elbasy fenomeni aıqyn kórinis tabady. Sol sııaqty, «Álem tanyǵan Elbasy» bóliminde elimizdiń syrtqy saıasaty, Tuńǵysh Prezıdenttiń bıik bedeli men asqaq abyroıy beıneleıtin dúnıeler qoıylsa, «Elbasy mártebesi – el mártebesi» bóliminde kópshilik nazaryna Elbasy men Qazaqstan halqyna jahandyq damý men turaqtylyqqa qosqan úlesi úshin tabys etilgen joǵary memlekettik marapattar usynylǵan.
Aıta keteıik, 2017 jylǵy qarashadan bastaý alǵan «N. Nazarbaev: dáýir, tulǵa, qoǵam» kórme jobasyn Almaty, Shymkent qalalary men Almaty, Túrkistan, Atyraý, Aqtóbe, Qyzylorda oblystarynyń 900 myńǵa jýyq turǵyn tamashalap úlgerdi. Іri ǵylymı-bilim berý, mádenı-aǵartýshylyq is-sharalardan quralǵan joba shalǵaı aýdandardy da qamtýdy maqsat tutqan. Soǵan oraı buǵan deıin jobanyń óńirimizdegi Shý jáne Qordaı aýdandarynda ekskýrsııalary uıymdastyrylǵan-dy. QR Tuńǵysh Prezıdenti-Elbasy kitaphanasynyń ózge de sharalary óńirimizde jalǵasýda.
Taraz turǵyndary men qonaqtary «N. Nazarbaev: Dáýir, tulǵa, qoǵam» kórmesin qazan aıynyń sońyna deıin tamashalaı alady.