Jambyl oblysynda tumaýratyp aýyrǵandardyń 60 paıyzy - balalar
Aımaqta 2022 jylǵy 1 qazannan bastap 2023 jyldyń basyna deıin JRVI aýrýynyń 41 072 jaǵdaıy tirkelgen (100 myń turǵynǵa shaqqanda syrqattaný kórsetkishi - 3 579,4), onyń ishinde tumaýdyń 66 zerthanalyq rastalǵan jaǵdaıy bar.
Sondaı-aq tumaýǵa jatpaıtyn vırýstyq ınfektsııalardyń (paragrıpp, rınovırýstar, adenovırýstar, respıratorlyq-sıntsıtıaldy vırýstar) zerthanalyq rastalǵan 25 jaǵdaıy kezdesken.
JRVI-men aýyrǵan 41 072 jaǵdaıdyń 59,8% – 14 jasqa deıingi balalar (24565), 2 798 - 1 jasqa deıingi balalar (6,8%), 1302 - júkti áıelder (3,2%).
Oblysta tumaýdan ólim jaǵdaılary tirkelgen joq.
JRVI jáne tumaýmen, pnevmonııamen aýyratyn naýqastarǵa ýaqtyly statsıonarlyq kómek kórsetý úshin oblystyq juqpaly aýrýlar aýrýhanasy jáne ortalyq aýdandyq aýrýhanalardyń 11 ınfektsııalyq bólimshesi jumys isteıdi.