Jambyl oblysynda toqtatylǵan poıyz jolaýshylary úshin shuǵyl jeli iske qosyldy
15 tamyzda 19 saǵat 10 mınýtta TJD kezekshi qyzmetine Shý aýdanynda, Aspara aýylynan eki shaqyrym jerde, qatty jaýyn-shashynnyń túsýinen temirjol kópiri men avtojol astyndaǵy sý ótkizý qurylystarynda sý aǵyny paıda bolǵany týraly aqparat kelip túsken.
Saldarynan respýblıkalyq mańyzy bar «Merki-Shý-Býrylbaıtal» avtojolynyń uzyndyǵy 68 shaqyrym, eni shamamen 3 metr bolatyn bóligi sýmen shaıylyp ketken.
«Sondaı-aq, «Aspara-Shý» 3717 km qatynasyndaǵy temirjol kópiriniń tirek-negizderi jartylaı shaıylǵan.
Temirjoldyń eki jelisi jabylyp, poıyzdar qozǵalysy toqtatylǵan. Jambyl oblysy TJ departamentinde shtab uıymdastyryldy jáne 87262 51 41 67 nómirinde jedel jeli ashyldy»,-delingen TJD baspasóz qyzmetiniń habarlamasynda.
«QTJ» UK» AQ jáne «Qazavtojol» AQ kúshimen barlyǵy 42 adam jáne 17 tehnıka jóndeý - qalpyna keltirý jumystaryna jumyldyrylǵan.
Oqıǵa ornyna TJD basshylyǵy men jergilikti atqarýshy organdardyń ókilderi ( 8 adam jáne 3 birlik tehnıka) jetti.
Jumysty 16 tamyzda tańerteń aıaqtaý josparlanǵan. Osyǵan baılanysty kelesi jolaýshylar poıyzdarynyń keshigýi kútiledi:
- No712 Shymkent-Nur-Sultan Nurly jol baǵyty boıynsha;
- No78 Mańǵystaý - Almaty -2 baǵyty boıynsha ;
-No42 Atyraý-Almaty-2 baǵyty boıynsha;
- No 23 Almaty -1 - Aqtóbe baǵyty boıynsha;
- No 29 Almaty -2 - Atyraý baǵyty boıynsha;
- No33 «Almaty -2 - Aqtóbe» baǵyty boıynsha.