Jambyl oblysynda temirjol kópirin sý shaıdy: poıyz qozǵalysy toqtatyldy

MERKІ. QazAqparat - Jambyl oblysy Merki aýdany taýlarynda qalyń jaýǵan qar aralas nóser saldarynan jergilikti avtojol jáne Aspara-Shý aralyǵyndaǵy temirjol kópiriniń tiregin sý shaıyp ketti. Bul Týraly QazAqparat QTJ baspasóz qyzmetine silteme jasap habarlaıdy.

Jasandy sý ótkizý qurylymdary tolyq rejımde jumys istedi, biraq temirjol kópiriniń tirek negizderi sý kóleminiń aýqymy men qysymy saldarynan shaıylyp ketti. Qazir júk jáne jolaýshylar poıyzdarynyń qozǵalysy toqtatyldy. Qalpyna keltirý jumystary júrgizilýde. Zardaptardy joıý úshin arnaıy temirjol jáne avtotraktorlyq tehnıka, temir jol kóliginiń 75 qyzmetkeri jumyldyryldy. Oqıǵa ornyna qajetti materıaldar (shpaldar, relster, qıyrshyq tas, kesek tas) jetkizildi. Jumysty 16 tamyz kúni tańerteńgisin aıaqtaý josparlanýda.

Osyǵan baılanysty myna baǵyttar:

- №712 Shymkent-Nur-Sultan Nurly jol baǵyty;

- №78 Mańǵystaý - Almaty-2 qatynasymen;

- №42 Atyraý-Almaty-2 qatynasymen;

- №23 Almaty - 1 baǵyty-Aqtóbe;

– № 29 Almaty -2-Atyraý baǵyty;

- №33 «Almaty-2 – Aqtóbe» baǵyty boıynsha jolaýshylar poıyzdarynyń keshigýi kútilýde.

Tolyǵyraq aqparat alý úshin jolaýshylar temirjol vokzaldarynyń anyqtama bıýrosyna nemese 105 biryńǵaı anyqtama qyzmetine habarlasý qajet.