Jambyl oblysynda telefon baılanysy murajaıy ashylady
TARAZ. QazAqparat - 95 jyl buryn Jambyl óńirinde telefon baılanysy paıda boldy. Buǵan oblystyq memlekettik muraǵattan tabylǵan qujattar dálel.
«Oblystyń memlekettik muraǵat qorlarynda Áýlıe Ata ýezi (Jambyl oblysynyń burynǵy ataýy) qalalyq alqasy komıssarynyń 1919 jylǵy 30 tamyzdaǵy baıandamasy saqtalyp otyr. Bul qujatta barlyq mekemelerdi telefon baılanysymen qamtamasyz etý qarastyrylyp otyrǵany jazylǵan. Ol úshin 1919 jyldyń qazan aıynda Tashkentten ústel ústine qoıylatyn bes telefon apparaty jáne qabyrǵaǵa ilinetin eki apparat, eki amperlik bir telefon kommýtatory jáne Áýlıe Ata keńestik halyq sharýashylyǵy elektr stansasy úshin eki myń metr mys telefon symy satyp alynǵan», - dep baıandady «QazAqparat» HAA-niń tilshisine «Qazaqtelekom» AQ Jambyl oblystyq telekommýnıkatsııalar dırektsııasynyń bólim basshysy Asqar Qoshmámbetov.
1919 jyldyń jeltoqsan aıynda Áýlıe Ata ýezi Halyq sharýashylyǵy keńesiniń tóraǵasy Áýlıe Ata poshta-telegraf kontorasynyń meńgerýshisine kommýtator men telefondardy ornatý usynysyn jasap, kelesi jyldyń qańtarynda bul ıdeıa júzege asyryldy.
ıAǵnı, 1920 jyly Áýlıe Ata (Taraz) qalasynda telefon baılanysynyń paıda bolǵanyn aıtýǵa bolady, al 2015 jyly Jambyl oblysynda telefon baılanysynyń paıda bolýyna 95 jyl tolyp otyr.
«Qazaqtelekom» AQ Jambyl oblystyq telekommýnıkatsııalar dırektsııasynda aımaqty telefondandyrý murajaıyn ashý sheshimi qabyldandy. Jıyrmadan astam eksponat pen muraǵat qujattarynyń kóshirmeleri jınalyp, murajaı vıtrınalary daıyndalýda.
Jambyl oblysynyń telefon baılanysy murajaıyn bıylǵy jyldyń tamyz aıynda ashý josparlanǵan.
