Jambyl oblysynda táýligine 40 tonna et ónimin shyǵaratyn kombınat iske qosylady

ASTANA. QazAqparat - Jambyl oblysynda et óńdeý kombınaty iske qosylady. Bul týraly óńirlik ortalyq kommýnıkatsııalar qyzmetinde ótken brıfıngte Jambyl aýdanynyń ákimi Máden Musaev málim etti.

Ákimniń aıtýyna qaraǵanda, Bektóbe aýylyndaǵy «Ońtústik Halal taǵamdary» jaýapkershiligi shekteýli seriktestiginiń et kombınaty naýryz aıynyń sońynda iske qosylady.

Jobanyń quny 2,3 mlrd teńge, óndiris qýaty - táýligine 40 tonna ónim shyǵarady. Joba tolyq iske qosylǵan soń jańa 153 jumys orny ashylatyn bolady. Qazirgi tańda qurylys jumysy tolyq aıaqtalmaǵan, onda 85 qurylysshy eńbe etip júr.

Nysanǵa 2,1 mlrd teńge ınvestıtsııa salynǵan.