Jambyl oblysynda taýarlardyń 30%-y talapqa saı emes
TARAZ. QazAqparat - QR Densaýlyq saqtaý mınıstrligi Qoǵamdyq densaýlyq saqtaý departamentiniń basshysy Berik Jarqynbekov óńirdegi ónim qaýipsizdigin baqylaý men monıtorıngtiń qalaı júrgizilip jatqanyn aıtyp berdi, dep habarlaıdy «QazAqparat» HAA tilshisi.
B. Jarqynbekovtyń aıtýynsha, tek úsh aıdyń ishinde tutynýshylar 250 saýda nysany men qoǵamdyq tamaqtaný oryndarynan 3,5 mln teńgege saýda jasaǵan. Mobıldi toptar qurylyp, Eýrazııalyq ekonomıkalyq odaqqa múshe memleketterden jetkiziletin taýarlardyń zerthanalyq tekserýi júrgizilip jatyr.
Mamandar 4 410 kólikti teksergen, onyń 2 880-i azyq-túlik ónimderin, al 678-i - azyq-túlik emes taýarlardy tasymaldaǵan. Ónimderdiń qaýipsizdigin rastaıtyn qujattardyń bolmaýy saldarynan 554,2 tonna jemis, keptirilgen jemis pen kókónis, 60 tonnadan astam iri buıymdar, 58,1 tonna kondıterlik jáne jeti tonnadan astam et ónimderi qaıtarylǵan.
«Sanıtarlyq-epıdemıologııalyq saraptamaǵa arnalǵan ónimderdi irikteý memlekettik organnyń qarajaty esebinen júzege asyrylady jáne ony satyp alý faktisin rastaıtyn qujatpen kýálandyrylady. Barlyǵy 3600 azyq-túlik ónimderi men halyq tutynatyn taýarlar iriktelip, onyń 13,1%-ynyń Keden odaǵynyń tehnıkalyq reglamentine saı kelmeıtini anyqtaldy», - dedi spıker.
Balalar taýarlary boıynsha departament mamandary 193 úlgini alǵan, onyń 52,3%-y belgilengen talapqa saı kelmegen.
Foto: forumdaily.com
