Jambyl oblysynda taý-shańǵy bazasy salynyp jatyr
TARAZ. QazAqparat - Jambyl oblysynda taý-shańǵy bazasy salynyp jatyr, dep habarlaıdy QazAqparat Habar 24 telearnasyna silteme jasap.
Kýrorttyq taý-shańǵy demalys ornyn salýǵa Jýaly aýdany tańdap alynǵan. Sebebi klımaty qolaıly. Tek aýa raıy ǵana emes, logıstıkalyq jaǵynan da tıimdi aımaq. Birinshiden bul jer qos oblys Jambyl men Ońtústik Qazaqstannyń qaq ortasynda ornalasqan. Ekinshiden halyqaralyq «Batys Eýropa - Batys Qytaı» avtodálizinen nebári 10 shaqyrym jerde tur. Bul týrısterdiń jol-jónekeı soǵyp, emin-erkin demalyp ketýine múmkindik beredi.
Mamandar zertteı kele Qaralma shatqalyn yńǵaıly dep tapqan. Eger jospar júzege assa, dál osy jerde táýligine 3 myń saıahatshyǵa deıin qabyldaý múmkindigi bar demalys orny paıda bolady. Qazir qurylys jumystarynyń alǵashqy kezeńderi bastalyp, qurylysshylar ınfraqurylymyn tartýǵa kirisip jatyr. Joba eki kezeńde júzege asyrylmaq. Bastapqyda jappaı halyqtyq, ıaǵnı jastar men balalarǵa, otbasylyq demalysqa arnalǵan trassalar salynady. Al ekinshi kezeńde kásibı deńgeıdegi syrǵanaý joldary jasalady. Sonymen qatar uzyndyǵy 2 shaqyrymnan asatyn zamanaýı úlgidegi aspaly temir arqan jol ornatylady. Qajetti qondyrǵylar Aýstrııadan ákelinbek.
«Memlekettik jekemenshik kásipkerlik aıasynda bul jobany iske asyraıyn dep tur. Sondyqtan bul jobaǵa qyzyǵýshylyq bar. Qazirgi tańda kásipkerlermen jumys istep jatyrmyz», - Jýaly aýdanynyń ákimi Baqtııar Kópbosynov.
Jergilikti jerdiń bederi zerttelip, jol túsetin jer belgilendi. Qazir qurylysshylar alǵashqy jumystardy bastady. Bolashaqta bul jobaǵa ınvestorlardy tartý kózdelip otyr. Ázirge jumys memlekettik-jekeshelik áriptestik aıasynda jalǵasa bermek. Jospar boıynsha nysannyń qurylysy bıylǵy jyldyń jeltoqsan aıyna deıin aıaqtalyp, turǵyndar «Qaralma» taý-shańǵy bazasynda demala alady.
