Jambyl oblysynda tasjolda júk kóligi «GAZeldi» soqty, qaza tapqandar bar
TARAZ. QazAqparat – Jambyl oblysynda adam mert bolǵan tasjoldaǵy jol-kólik oqıǵasy boıynsha tergeý júrip jatyr, dep habarlaıdy QazAqparat tilshisi Jambyl oblystyq polıtsııa departamentiniń baspasóz qyzmetine silteme jasap.
«15 tamyzda Batys Eýropa – Batys Qytaı tasjolynda jol-kólik oqıǵasy boldy. Almatyǵa bet alǵan júk kóligi joldyń jıeginde turǵan «GAZel» kóliginiń artynan soqqan. Soqtyǵysý saldarynan kólik joldyń jıeginde aýdarylyp ketken. 3 adam qaza taýyp, bireýi aýrýhanada jatyr. Qazirgi ýaqytta jol-kólik oqıǵasy bolǵan jerde tergeý jumystary júrip jatyr. Oqıǵanyń mán-jaıy keıinirek habarlanady», - dedi quqyq qorǵaý vedomstvosynyń baspasóz qyzmetinen.
Aıta ketken jón, keshe Jambyl oblystyq polıtsııa departamentinde Jambyl oblysy joldarynda adamdar mert bolǵan jol apattarynyń aıtarlyqtaı óskeni jáne óńirdegi jol qaýipsizdik erejeleri máseleleri talqylandy. Talqylaýǵa QR ІІM Ákimshilik polıtsııa komıteti bastyǵynyń orynbasary, polıtsııa polkovnıgi Janat Ábdirahmanov, Jambyl oblystyq polıtsııa departamentiniń basshylyǵy, «QazAvtoJol» UK» AQ, BAQ ókilderi qatysty.
Jambyl oblysynyń tasjoldarynda jyl basynan beri 687 jol-kólik oqıǵasy bolǵan. Sonyń ishinde 90 adam qaza taýyp, 1138 adam jaraqat alǵan.
