Jambyl oblysynda tas joldardan 326 adam qutqaryldy

ASTANA. QazAqparat - Jyl saıyn Jambyl oblysynyń qutqarýshylary qar basqan joldarda qalyp qoıǵan azamattardy qutqarady. Kóptegen avtokólik ıeleri aýa raıy týraly eskertý habarlamalaryn elemeıdi de qutqarýshylardyń kómegine júginedi.

QR Tótenshe jaǵdaılar mınıstrligi baspasóz qyzmetiniń habarlaýynsha, ótken táýlikte, ıaǵnı 3 qańtar kúni saǵat 10.15-ten 4 qańtar tańǵy 5:00-ge deıin Jýaly, Sarysý jáne Qordaı aýdandarynyń órt sóndirýshi-qutqarýshylary respýblıkalyq jáne oblystyq mańyzy bar avtojoldardyń 3 ýchaskesinde 326 adamdy qutqaryp, jaqyn mańdaǵy eldi mekenderge jetkizdi, olardyń ishinde 72 bal bar.

Jambyl oblysy Tótenshe jaǵdaılar departamenti bólimsheleri qutqarýshylarynyń jedel jáne kásibı is-qımyldarynyń arqasynda qutqarylǵandardyń eshqaısysy medıtsınalyq kómekti qajet etpedi.

Esesine, qutqarylǵan azamattardyń arasynda osyndaı qıyn jaǵdaıda der kezinde kómek kórsetkeni úshin alǵys bildirgen azamattar da boldy.

«Tótenshe jaǵdaılar departamenti azamattarǵa úıden shyǵarda kelip túsken habarlamalarǵa jiti nazar aýdaryp, ózderimen birge árdaıym jyly zattardy birge alyp júrýge shaqyrady. Tótenshe jaǵdaılar nemese kómek kórsetý qajet bolǵan jaǵdaıda shuǵyl túrde «112» nómirine qońyraý shalý qajettigin eske salamyz»,-delingen habarlamada.

Foto: gov.kz