Jambyl oblysynda Talas ózeni arnasynan tasyp, bir aýyl sý astynda qaldy
ASTANA. QazAqparat - Jambyl oblysynda Talas ózeni arnasynan tasyp, saldarynan Qostóbe aýylyndaǵy 34 úıdi sý basqan.
Qazirgi ýaqytta jergilikti kólemde tótenshe jaǵdaı engizildi, dep habarlaıdy QazAqparat.
«5 qazan saǵat 12:05-te Jambyl oblysy TJD Biryńǵaı kezekshilik-dıspecherlik basqarmasyna Baızaq aýdanyndaǵy Qostóbe aýylynyń mańynda Talas ózeniniń 20 metr jaǵalaýyn shaıyp, onyń saldarynan Qostóbe aýylyndaǵy 34 turǵyn úıdiń aýlasyn sý basqan», - delingen Jambyl oblysy TJD habarlamasynda.
Táýlik ishinde jergilikti atqarýshy organdardyń kúshimen (30 adam men 9 birlik tehnıka) jáne Baızaq aýdanynyń №8 órt sóndirý basqarmasymen (9 adam men 1 birlik tehnıka) birlese otyryp, ózen arnasynyń jáne sýarý kanalynyń jaǵalaýlaryn kúsheıtý jumystary júrgizildi. Baızaq aýdany ákimshiliginiń 2016 jylǵy 6 qazandaǵy qaýlysymen «jergilikti aýmaqtyq» tótenshe jaǵdaı jarııalandy.
«Tótenshe jaǵdaıdyń saldaryn joıý jumystary jalǵastyrylýda. Oblys ákimshiligi Qyrǵyzstan Respýblıkasynyń Talas oblysynyń ákimshiligimen birlese Kırov sý qoımasynan sý jiberýdi azaıtý múmkindigi týraly másele qarastyrylyp jatyr», - dep habarlady departamentten.
