Jambyl oblysynda tabıǵı gaz 12%-ǵa qymbattady
TARAZ. QazAqparat - Tarazda «QazTransGaz Aımaq» AQ-nyń jambyldyq óndiristik fılıalynyń gaz bólý júıeleri boıynsha taýarlyq gazdy satýdyń shekti baǵasynyń jobasyn qaraýǵa qatysty qoǵamdyq tyńdaý ótti, dep habarlady QR UEM Tabıǵı monopolııalardy retteý jáne básekelestikti qorǵaý komıtetiniń Jambyl oblysy boıynsha departamentine silteme jasap «QazAqparat» HAA tilshisi.
Ony talqylaýǵa turǵyn úı-kommýnaldyq sektor kásiporyndarynyń ókilderi, qalalyqtar, qoǵam ókilderi qatysty. Jambyldyq gaz sharýashylyǵy basshysy Bolat Murtazaevtyń aıtýynsha, QR UEM Jambyl oblysyn qosqanda, birneshe oblystarda tutynýshylar úshin tabıǵı gazdy bólshek saýdada ótkizý baǵasy 2017 jylǵy 1 tamyzdan bastap kóteriletinin habarlady.
«QR Energetıka mınıstrliginiń 2017 jylǵy 5 mamyrdaǵy buıryǵymen 2017 jyldyń 1 shildesi - 2018 jylǵy 30 maýsymf aralyǵy boıynsha taýarlyq gazdy kóterme satýdyń shekti baǵasyn bekitti. Jambyl oblysy úshin QQS-syz gazdyń bir myń tekshe metrine baǵa 21, 197 teńgeni quraıdy, ıaǵnı burynǵy baǵadan 12 paıyzǵa ósti», - dedi spıker.
Bolat Murtazaev mundaı ústeme baǵa bar bolǵany paıyzdyń úlesin quraıtynyn, gazdyń sońǵy baǵasyna áser etpeıtinin aıtty. Alaıda kóterme satý qunynyń ósýi tabıǵı gaz baǵasynyń tekshe metrin shamamen 3 teńgege ózgertedi.
