Jambyl oblysynda tabıǵat qorǵaý zańnamasyn buzýdyń 118 faktisi anyqtaldy

TARAZ. QazAqparat – Jambyl oblysynda «Brakoner» jedel aldyn alý is-sharasy ótip jatyr, - dep habarlaıdy QazAqparat tilshisi.

20 qazannan bastap Jambyl oblysynyń aýmaǵynda tabıǵatty qorǵaý zańnamasyn buzý áreketterin anyqtaý jáne jolyn kesýge baǵyttalǵan «Brakoner» jedel aldyn alý is-sharasy ótip jatyr.

«Oblys aýmaǵynda tabıǵat qorǵaý polıtsııasy men jedel áreket etý arnaıy jasaǵynyń qyzmetkerleri tabıǵatty qorǵaý zańnamasyn buzýdyń 118 faktisin anyqtady, onyń ishinde balyq aýlaý jáne balyq resýrstary men basqa da sý janýarlaryn qorǵaý erejelerin buzǵany úshin – 27, janýarlar dúnıesin paıdalaný talaptaryn jáne ań aýlaý erejelerin buzǵany úshin – 82, tirkelmegen jeke jáne zańdy tulǵalardyń qarýdy zańsyz ıemdengeni, bergeni, ótkizgeni, saqtaǵany, alyp júrgeni, tasymaldaǵany úshin – 9 fakt tirkeldi», – dep habarlady polıtsııa qyzmetkerleri.