Jambyl oblysynda sybaılas jemqorlyqqa qarsy is-qımyl departamentiniń basshysy taǵaıyndaldy

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń buıryǵymen Nálibaev Maqsut Ybraıhanuly Memlekettik qyzmet isteri jáne sybaılas jemqorlyqqa qarsy is-qımyl agenttigi Jambyl oblysy boıynsha departamentiniń basshysy - Ádep jónindegi keńestiń tóraǵasy qyzmetine taǵaıyndaldy, dep habarlaıdy Jambyl oblysy ákiminiń baspasóz qyzmeti.

Nálibaev Maqsut Ybraıhanuly 1961 jyly týǵan, úılengen, bilimi joǵary, 1983 jyly Jambyl gıdromelıoratıvtik qurylys ınstıtýtyn, 1995 jyly - QR Qaraǵandy ІІM joǵary mektebin bitirgen.

Eńbek jolyn 1985 jyly «Kyzylordaremvodstroı» tresiniń ınjeneri bolyp bastaǵan. 1988-1998 jyldary Qyzylorda oblysynda ishki ister organdarynda qyzmet atqarǵan.

1998-2014 jyldary Qyzylorda, Qaraǵandy, Aqmola, Jambyl oblystary boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵy, QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) sybaılas jemqorlyq týraly isterdi ashý jáne onyń aldyn alý departamentiniń bastyǵy, QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Aqparattyq - taldaý departamentiniń bastyǵy, QR Memlekettik qyzmet isteri jónindegi agenttiginiń Qyzylorda oblysy boıynsha aýmaqtyq basqarmasynyń bastyǵy - Tártiptik keńes tóraǵasy, 2015-2016 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiniń Manǵystaý jáne Ońtústik Qazaqstan oblystary boıynsha departamentteriniń basshysy laýazymdarynda bolǵan.