Jambyl oblysynda «Sulýtór - Botamoınaq» tabıǵı qoryǵy qurylmaq

ASTANA. QazAqparat – Jambyl oblysynda jergilikti aýqymdaǵy «Sulýtór - Botamoınaq» shaǵyn memlekettik tabıǵı qoryǵy qurylýy múmkin, dep habarlaıdy QazAqparat tilshisi.

«T.Rysqulov jáne Jambyl aýdandarynyń aýmaqtarynda jergilikti mańyzy bar «Sulýtór – Botamoınaq» memlekettik tabıǵı qaýmalyn qurý úshin rezervilengen jer ýchaskeleriniń qosa berilip otyrǵan ornalasý jospary (syzbasy) men eksplıkatsııasyna sáıkes (1, 2 - qosymshalar) shekaralar sheginde jalpy alańy 128 846 gektar jer ýchaskesi olardy paıdalaný quqyǵyna shekteýler (aýyrtpalyqtar) belgilemeı 12 aı merzimge rezervte qaldyrylsyn», - delingen Ashyq NQA portalynda jarııalanǵan oblys ákimi Nurjan Nurjigitovtiń qaýly-jobasynda.

Shaǵyn qoryqty qurý úshin jergilikti bıýdjetten qosymsha qarajat bólinbeıdi. ıAǵnı, ony jasaqtaý oblystyń bekitilgen qarjy sheginde júzege asady.

Qaýly jobasy 7 tamyzǵa deıin kópshilik talqylaýda bolady.