Jambyl oblysynda sýǵa ketken balanyń denesi tabyldy
TARAZ. QazAqparat - Talas ózenine aǵyp ketken 8 jasar balanyń denesi eki kúnnen keıin tabyldy, dep habarlaıdy QazAqparat tilshisi Jambyl oblystyq tótenshe jaǵdaılar departamentine silteme jasap.
Eske sala keteıik, 16 shilde kúni kúndiz Taraz qalasynyń mańynda Talas ózenine batyp ketken 8 jasar balanyń denesin izdeýge qutqarýshylar, balanyń týystary, eriktiler jumyldyrylǵan bolatyn.
2-synypta oqıtyn Álim Shilıazov ózen jaǵasynda ata-anasymen birge demalyp jatqanda. Baldyrǵandy sý aǵyzyp ákete bastaǵanda, ata-anasy oǵan jete almaı qalǵan.
«Balanyń denesi búgin 14:00-de tabyldy. Ony Talas ózeninen tómen eki shaqyrym jerden, «Bóbek» balalar shıpajaıynyń mańynan týystary tapty. Kýá bolǵandardyń aıtýynsha, balany sý aǵyzyp áketer sátte anasy onymen birge shomylyp júrgen, al ákesi ózen jaǵasynda bolǵan», - dedi «QazAqparat» HAA tilshisine oblystyq TJD baspasóz qyzmetiniń basshysy Sáýle Muńataeva.
Jambyl oblysy Tótenshe jaǵdaılar departamentiniń málimetinshe, 2018 jyldyń basynan beri óńirdiń sý qoımalarynda arty qaıǵyǵa ákep soqqan 12 jaǵdaı tirkelgen.
