Jambyl oblysynda sýǵa ketken balany izdeýge 130 adam tartyldy
TARAZ. QazAqparat - Jambyl oblysynda tórt kúnnen beri sýǵa aǵyp ketken balany izdep jatyr, dep habarlaıdy QazAqparat tilshisi oblystyq tótenshe jaǵdaılar departamentine silteme jasap.
Eske sala keteıik, 12 tamyz kúni «Levoberejnyı» kanalynda shomylyp júrgen eki balany sý aǵyzyp ketken bolatyn. Bir kúnnen keıin qutqarýshylar on bir jasar balanyń denesin tapty.
«10 jastaǵy ekinshi balany izdep jatyrmyz. Oǵan qutqarýshylar, jergilikti atqarýshy bılik organdarynyń qyzmetkerleri, jergilikti turǵyndar - jalpy 130 adam men onǵa jýyq tehnıka jumyldyrylǵan», - deıdi vedomstvo ókilderi.
