Jambyl oblysynda sýǵa aǵyp ketken 27 jastaǵy turǵyn izdestirilýde
TARAZ. QazAqparat – Jambyl oblysy Shý aýdanynda sýǵa aǵyp ketken 27 jastaǵy turǵyn izdestirilýde, - dep habarlaıdy QazAqparat tilshisi.
Oblystyq tótenshe jaǵdaılar departamentiniń málimetinshe Shý aýdany, Belbasar aýyly, Tasótkel magıstraldy arnasyna 11 tamyz kúni saǵat keshki 19:00-de 1992 jyly týǵan azamat abaısyzda sýǵa qulap, ony aǵys alyp ketken. Qazirgi kezde atalǵan turǵyndy izdestirý jumystary bastaldy.
«Sýǵa ketken azamatty izdeý jumystary 12 tamyz kúni saǵat tańǵy 06:00-den bastaldy. Oǵan TJD jedel qutqarý jasaǵynyń 4 adam, 1 birlik tehnıkasy jáne 1 júzý quraly jumyldyrylǵan»,- delingen vedomstvo málimdemesinde.
