Jambyl oblysynda sýdıalar Elbasy maqalasyn talqylady

QORDAI. QazAqparat - Qordaı aýdandyq sotynyń sýdıalary men sot qyzmetkerleri Elbasynyń «Uly dalanyń jeti qyry» atty maqalasyn talqylady, dep habarlaıdy QazAqparat vedomstvonyń baspasóz qyzmetine silteme jasap.

Sýdıa Mıragúl Alımanova óz sózinde Qazaqstan Respýblıkasynyń Prezıdenti Nursultan Nazarbaevtyń 21 qarashadaǵy «Uly dalanyń jeti qyry» atty maqalasy - «Bolashaqqa baǵdar: rýhanı jańǵyrý» baǵdarlamalyq maqalasynyń jalǵasy ekenin atap ótti. Onyń sózinshe, N. Nazarbaevtyń ulttyq tarıhymyzdyń tereń de maǵynaly ótkenin búgingi urpaqqa jetkizý maqsatyndaǵy maqalasy - tarıhymyzdy jańǵyrtatyn ýaqyt kelgenin bildiredi.

«Elbasynyń «Uly dalanyń jeti qyry» atty maqalasy ótken tarıhymyzdyń jańa paraǵyn ashty. Ulttyq bolmysymyzdy aıshyqtaıtyn mádenıetimizdi, ónerimizdi, ótken tarıhymyzdy jańǵyrtýdyń ýaqyty kelip jetti. Maqalada aıtylǵan dúnıelerdiń kókjıegi keń, oılary tereńde jatyr. Ol elimizdiń tarıhı sanasynyń ary qaraı qalyptasýyna yqpal etýde. Bul Uly dalanyń jeti qyrynda mádenıetimiz, tarıhymyz, ádep-ǵurpymyz jáne de bolashaǵymyz jatyr. Osy baǵytta alǵa qoıylǵan maqsattarǵa jańa «Rýhanı jańǵyrý» baǵdarlamasy arqyly qol jetkiziledi», - dep atap ótti aýdandyq sottyń sýdıasy Mıragúl Alımanova.

Іs-shara sońynda sýdıa M.Alımanova óz oıyn Elbasynyń «Ótkenge maqtanysh,búgingi kúndi pragmatıkalyq baǵalaý, bolashaqqa oń kózqaras - bul bizdiń elimizdiń jetistiginiń kilti» degen sózimen túıindedi.

Semınarǵa qatysýshylar óz oılarymen bólisip, Elbasynyń maqalasyn belsendi talqylady.

Aıta keteıik, 21 qarasha kúni Elbasy Nursultan Nazarbaevtyń «Uly dalanyń jeti qyry» atty baǵdarlamalyq maqalasy jarııalanǵan bolatyn. Onda Memleket basshysy el tarıhyna qatysty jańa jobalar usynyp, ony bir jarym jyl buryn jaryq kórgen «Bolashaqqa baǵdar: rýhanı jańǵyrý» atty maqalasynyń jalǵasy retinde qarastyratynyn aıtqan.

«Rýhanı jańǵyrý» jalpyulttyq baǵdarlamasynyń jańa komponentteri ata-babalarymyzdyń kóp ǵasyrlyq murasynyń tsıfrlyq órkenıet jaǵdaıynda túsinikti ári suranysqa ıe bolýyn qamtamasyz ete otyryp, ony jańǵyrtýǵa múmkindik beredi. Tól tarıhyn biletin, baǵalaıtyn jáne maqtan etetin halyqtyń bolashaǵy zor bolady dep senemin. Ótkenin maqtan tutyp, búginin naqty baǵalaı bilý jáne bolashaqqa oń kózqaras tanytý - elimizdiń tabysty bolýynyń kepili degenimiz osy», - dep atap ótti N.Nazarbaev.

Ǵıbrat Sembaı