Jambyl oblysynda sý únemdeý tehnologııalary belsendi paıdalanylýda
TARAZ. QazAqparat - Jambyl oblysynda tamshylatyp jáne jańbyrlatyp sýaratyn, ıaǵnı ylǵaldy saqtaıtyn tehnologııalardy paıdalaný jumystary belsendi júrip jatyr, dep habarlaıdy QazAqparat.
Jambyl oblysynyń 80 paıyzy Qyrǵyzstannyń sý resýrstaryna táýeldi ekeni belgili. Osyǵan qaraı transshekaralyq ózenderdegi sýdy bólý máselesi de aımaqta ózekti. Bul másele egis alqaptaryn belsendi sýarý qajet bolǵan ýaqyttarda erekshe ózektilene túsedi.
Osyǵan baılanysty óńirde qazir sý únemdeý tehnologııalary belsendi paıdalanylýda. Táýelsizdik jyldarynda aımaqta sý únemdeýshi tehnologııalar qoldanylatyn aýyl sharýashylyǵy baǵytyndaǵy alqaptardyń kólemi arta tústi. Bul óz kezeginde aımaqta sýǵa degen zárýlikti sheshýge yqpal etip otyr.
Jambyl oblystyq aýyl sharýashylyǵy basqarmasynyń jetekshisi Nurjan Nurjigitovtyń aıtýynsha, bıylǵy jyly oblysta tamshylatyp jáne jańbyrlatyp sýarý ádisi 15 myń gektar aımaqqa paıdalanylýda.
«Olardyń tek 1,5 myń gektary ǵana qant qyzylshasyna tıesili»,-dedi ol.
2013 jyly Jambyl óńirinde sý únemdeýshi tehnologııalar paıdalanylatyn egis aımaǵy 4,3 ga bolatyn, 2014 jyly bul kórsetkish 4,9 ga-dy qurady. Al 2015 jyly ol 9,3 myńǵa artyp, 87,6 protsentke jetti. 2016 jyly tamshylatyp jáne jańbyrlatyp sýarý ádisi 11,9 myń ga aımaqta qoldanylýda.
