Jambyl oblysynda sý arnalary EQQDB qaryzy esebinen jóndeledi

TARAZ. QazAqparat - Jambyl oblysynda sý arnalaryn kommýnaldyqtan respýblıkalyq menshikke berý jumystary júrip jatyr, dep habarlaıdy «Qazaqparat» HAA tilshisi.

«Birinshi kezeńde, 2015 -2017 jyldary Eýropalyq qaıta qurý jáne damý bankine qaryz alý esebinen qalpyna keltiriletin 172 sý arnasy respýblıkalyq menshikke beriledi, - dedi OKQ brıfınginde ákimdiktiń tabıǵı resýrstar jáne tabıǵatty paıdalanýdy retteý basqarmasynyń basshysy Serik Qoıbaqov.

«Ekinshi kezeńde, agrarshylarǵa sýramaly sýdy turaqty berý maqsatynda respýblıkalyq menshikke taǵy 125 arnany berý josparlanýda, olar boıynsha jerge ornalastyrý jobalary jáne  memlekettik aktiler ázirlenýde, bul úshin oblystyq bıýdjetten 225 mln teńge bólindi. Bıylǵy jyly Baızaq aýdanynda somasy 25,3 mln teńgege Temirbek jáne Keńes  arnalaryn jóndeýde», - dedi.

Spıker sońǵy eki jylda Jambyl oblysy Shý jáne Talas transshekaralyq ózenderi arqyly sýarmaly sý kólemin tolyq alady dep atap ótti.