Jambyl oblysynda sport nysandary kóbeıedi
TARAZ. QazAqparat –Jambyl oblysynda sport nysandaryn salý jáne ınfraqurylymdy jańartý boıynsha 120 joba júzege asyrylýda, dep habarlaıdy Jambyl oblysy ákiminiń baspasóz qyzmetine silteme jasap.
Oblysy ákiminiń baspasóz qyzmetinen málim etkendeı, atalǵan jobalardy iske asyrý aıasynda jańadan 13 dene shynyqtyrý-saýyqtyrý kesheni jáne 92 sport alańy salynyp, birneshe nysan kúrdeli jóndeýden ótedi.
«Samuryq-Qazyna Trast» Áleýmettik jobalardy damytý qory turǵyndardyń salaýatty ómir saltyn qalyptastyrýǵa belsendi atsalysýda. Búginde atalǵan qor esebinen Jambyl oblysynda «Meniń elim» áleýmettik ınvestıtsııalyq baǵdarlamasy aıasynda 3 ámbebap sporttyq jáne balalarǵa arnalǵan oıyn alańdary salynýda. Onyń biri Tarazda, qalǵan ekeýi Baızaq jáne Qordaı aýdandarynda júzege asýda. Ár osyndaı keshenniń aýdany shamamen 1300 sharshy metrdi quraıdy. Aýmaǵynda jasandy kógaly bar fýtbol alańy, workout jáne balalarǵa arnalǵan alańshalar bolady»,-delingen vedomtsvo habarlamasynda.
«Samuryq-Qazyna Trast» qorynyń ókili Mıras Іrgebaevtiń aıtýynsha, jobanyń maqsaty – halyqtyń salaýatty ómir saltyn qalyptastyrýyna jáne olardyń bos ýaqytyn uıymdastyrýǵa yqpal etý bolyp otyr. Bul alańdar jastardyń ǵana emes, barlyq otbasy músheleriniń jıi keletin ornyna aınalmaq.
Paıdalanýǵa berilgennen keıin bul nysandar olardyń saqtalýyn jáne fýnktsıonaldyǵyn qamtamasyz etý úshin jergilikti atqarýshy organdardyń teńgerimine tapsyrylmaq.
