Jambyl oblysynda sport alańyna bólingen aqshany jymqyrǵan aýyl ákimi sottaldy

NUR-SULTAN. QazAqparat – Bıýdjet qarajatyn jymqyrǵan Jambyl oblysyndaǵy Shý aýdanyna qarasty Báıdibek aýylynyń ákimi 1,3 mln teńge aıyppul tóleıtin boldy, dep habarlaıdy QazAqparat tilshisi.

«Jambyl oblysynyń sybaılas jemqorlyqqa qarsy qyzmeti buǵan deıin qyzmettik ókilettigin teris paıdalaný faktisi boıynsha Shý aýdany Dýlat aýyldyq okrýginiń ákimi M. Álimqulovqa qatysty sotqa deıingi tergeýdi aıaqtaǵan bolatyn. Álimqulov Báıdibek aýylyna voleıbol jáne shaǵyn fýtbolǵa arnalǵan aýla, balalar jáne oıyn alańdaryn salý jumysy boıynsha naqty oryndalmaǵan jumystar úshin 1 241 000 teńge kólemindegi bıýdjet qarajatyn (zalal sotqa deıingi tergep-tekserý barysynda óteldi) zańsyz aýdaryp alǵan», - dedi Sybaılas jemqorlyqqa qarsy is-qımyl agenttiginiń birinshi departamentiniń aǵa tergeýshisi Danııar Bıgaıdarov.

Aýdandyq sotynyń úkimimen M.Álimqulovqa 500 AEK kóleminde aıyppul salyndy. Sottalýshy ómir boıy memlekettik qyzmette qyzmet atqarý quqyǵynan aıyryldy.