Jambyl oblysynda sońǵy úsh jylda 9 sport kesheni paıdalanýǵa berildi
ASTANA. QazAqparat - Jambyl oblysynda sońǵy jyldary 9 sport kesheni paıdalanýǵa berildi. Ortalyq kommýnıkatsııalar qyzmetiniń óńirlik fılıalynda ótken brıfıngte Jambyl oblysy ákimdiginiń dene shynyqtyrý jáne sport basqarmasynyń basshysy Gamlet Qaınarbekov málim etti.
«Sonymen qatar, oblysta sportty, onyń ishinde buqaralyq sportty órkendetýge baǵyttalǵan 2011-2015 jyldarǵa arnalǵan aımaqtardy damytýǵa arnalǵan baǵdarlama iske asyryldy. Búgingi tańda osy baǵdarlama sheńberinde óńirde sportty damytý maqsatynda jańa sport nysandary boı kóterdi. Mysaly, 2012 - 2015 jyldary oblysta 9 sport kesheni qoldanysqa berildi (Taraz qalasy-5, Sarysý-1, Talas-1, Moıynqum-1, Jýaly-1). Sonymen qatar, oblystyq bıýdjet jáne demeýshiler tarapynan 31 sport alańshasy salyndy (Taraz qalasynda 14, aýdandarda 17)»,- dedi G.Qaınarbekov.
Bir ǵana, 2015 jyly Moıynqum, Jýaly aýdandarynda sport zal keshenderi, Taraz qalasynda №3 olımpıada jetkinshekterin daıarlaıtyn sport mektebine arnalǵan dene shynyqtyrý-saýyqtyrý kesheniniń qurylysy paıdalanýǵa berildi,
Sondaı-aq, sońǵy jyldary iri óndiris oryndaryndaǵy qyzmetkerler men jumysshy-jastardyń sportpen aınalysýlary basty nazarǵa alyndy. Nátıjesinde «Kazfosfat» JShS tarapynan sport kesheni paıdalanýǵa berildi. Bul sport kesheninde búgingi tańda 600 jumysshy jáne 150-ge jýyq jasóspirimder sportpen turaqty shuǵyldanýda.
