Jambyl oblysynda sońǵy 5 jylda 71 densaýlyq saqtaý nysany paıdalanýǵa berildi

ASTANA. QazAqparat - Jambyl oblysynda sońǵy 5 jylda 71 densaýlyq saqtaý nysany paıdalanýǵa berildi, dep habarlaıdy oblystyq ákimdiktiń baspasóz qyzmeti.

Sońǵy 5 jylda 71 densaýlyq saqtaý nysany turǵyzylyp, paıdalanýǵa berildi. 2016 jyly Taraz qalasynda 300 tósektik kóp beıindi qalalyq aýrýhananyń jáne Merki aýdany men Qarataý qalasyndaǵy aýdandyq emhanalarnyń ashylýy josparlanyp otyr. Bul týraly oblys ákimdigi densaýlyq saqtaý basqarma basshysy E.Masalımov Óńirlik kommýnıkatsııa qyzmeti baspasóz ortalyǵynda ótken brıfıng barysynda habarlady.

Brıfıng barysynda oblystaǵy memlekettik densaýlyq saqtaý baǵdarlamalary aıasynda josparlanǵan jumystar, 2015 jyly atqarǵan jumystar týraly aıtyldy.
2015 jyldyń qorytyndysy boıynsha kútiletin ómir uzaqtyǵy oblys boıynsha 71,16 jasty qurady (2014 jyly - 71,16).