Jambyl oblysynda shopan 300 qoıymen birge adasyp ketken
TARAZ. QazAqparat – Jambyl oblysynda bir otar qoıymen adasyp ketken shopan eki kúnnen soń tabyldy, - dep habarlaıdy QazAqparat tilshisi.
Jambyl oblysy Moıynqum aýylynyń turǵyny «Suńqar» sharýa qojalyǵynyń jetekshisi óziniń qol astynda jumys atqaratyn shopany 13 naýryz kúni Merki aýdany qumdy alqabynda, malyn baǵyp ketip, sodan qaıtyp kelmegeni boıynsha polıtsııa bólimshesine habar bergen.
«Atalǵan derek boıynsha Merki jáne Moıynqum aýdandyq polıtsııa bólimshesiniń qyzmetkerlerimen jedel tergeý toby qurylyp, 300 bas qoıymen joǵalyp ketken shopandy izdestirý jumystary júrgizgen. 15 naýryz kúni adasyp qalǵan shopandy malymen araǵa eki kún ótken soń tapqan» delingen oblystyq polıtsııa departamenti baspasóz qyzmetiniń habarlamasynda.
Adasyp qalǵan shopan men «Suńqar» sharýa qojalyǵynyń jetekshisi Merki, Moıynqum aýdanynyń polıtsııa bólimi tergeý bólimshesi, krımınaldyq polıtsııa bólimshesi jáne ýchaskelik polıtsııa qymetkerlerine óziniń alǵysyn bildirýde.
