Jambyl oblysynda shóp órtenip jatyr
TARAZ. QazAqparat - Jambyl oblysynda kúnniń ysýyna oraı tabıǵı órt oqıǵalary bolyp jatyr, dep habarlaıdy «QazAqparat» HAA Jambyl oblystyq Tótenshe jaǵdaılar departamentiniń baspasóz qyzmetine silteme jasap.
1 maýsym kúni Moıynqum, Talas, Merki, Shý aýdandarynyń qumdy alqaptarynan órt shyqty. Sondaı-aq órt Baızaq aýdanynyń «Jartybaı», «Qıly» eldi mekenderinde de boldy. Atalmysh aımaqtarda órtenip jatqan qurǵaǵan shóp. Órtti sóndirýge Tótenshe jaǵdaılar departametiniń 58 qyzmetkeri men 130-dan astam orman sharýashylyǵynyń jumysshylary, erikti órt sóndirýshiler, barlyǵy - 230 adam qatysty.
«Qazir órtengen aımaqtyń kólemi anyqtalyp jatyr, zardap shekkender men mert bolǵandar joq», dep naqtylady vedomstvo ókilderi.
Aıta keteıik, qurǵaǵan shóptiń órtený jaǵdaılary bir aı buryn Rysqulov aýdanynyń Taısoıǵan aımaǵynda, Merki aýdanynyń «Sarqoby» alqabynda jáne Baızaq aýdanynyń Belqudyq-Qaramataý aımaǵynda boldy.
Órtti sóndirýge Jambyl oblystyq Tótenshe jaǵdaılar departamenti, «Orman jáne janýrlar álemin qorǵaý» MM men aýdandyq ákimdikterdiń 300-den astam jumysshylary qatysty. Erikti órt sóndirýshiler de tartyldy.
